Gaschtfröndlechkeit

dasch jo onglöublech wie die öustralier gaschtfröndlech si, die göi rechtig uf ehri chonde ii. letscht woche het mi eine gfrogt öbs mer gfau do in öustralie, ond eg natürlech, jo dasch mega geil do!!!! de hez dä gfrogt wie lang asi do be, de hanem s ganze gschechtli verzöut, met em werom,wieso ond wäge was öberhöupt???? de het dä gseit, du besch geile siech, mer möche das du ei stong lenger chasch dini ferie gniesse. auso het dä es rond mail gschtartet, ond das aune gseit wäge dr zit omschtöuig, eg fenge dass huere geil... ond das fengt jetzte a däm wocheänd a. am samschtig ufe sontig. de si mer nome no 8 stong vorus.... eg wönsche aune mine blogg bsucherinne ond osse es schöns weekend....

No 1 Woche

So bereits esch do bi öis scho weder zischtig obe, eg ha die woche no 2 mou schueu ond de nöchscht woche no 3 mou, de hanis de weder gse met dere schueu.... mer hei scho paar lüt gseit, dass me do äne no guets gäud chönt verdiene, aus sanitär-instelateur, muess mou dr alex froge wie das usgseht, met ere filiale, eg meine eg be öu scho 2 mou z spanie gse.... ond wenn me gseht wie die do ehri leitige döi füehre, frog eg me för was eg 4 johr i d lehr be... do döi si glöub zerscht s huus böue, ond de cha dr chond säge wo as är s wc/bad/du/brönneli wott ha, de werd eifach es loch i d wang gmacht ond dr ablöuf werd usegfüehrt, ond dosse ergend wie gsammlet, ke wetz...

Blue Mountains

Am morge am haubi sächsi esch mi wecker ab, das esch zmetzte i dr nacht, ond wöus z metzte i dr nacht gse esch esch öu no ke bus gfahre, a öise träffponkt, de hani haut müesse löufe 30 min, eigentlech jo ned so wit, es esch mi schueuwäg, aber am morge am 6si esch das vöu zwit, eg ma jo aube ned emou a dr chesslete uf... nach zwe stong zogfahre si mer de ändlech i de blue mountins gse, es esch arsch chaut gse, ond da eg jo z öustralie be, beni met de chorze hösli gange, so wie neg haut be, ha aber me obe gfrore aus onge, eg met mine wäutmeischter wadli... s wättar esch öu sösch ned grad so dr hammer gse, es het näbu gha, oder angersch gseit es het so fuuli woche gha, wo z fuu gse si zom sech bewege, me donkt das tönt besseraus näbu. mer hei de 3 schwöschtere aber doch no gse, ond am nomitag esch s wätter öu besser worde, aber met bessere wätter si öu die blöde touris cho...

es het i dr nacht vom samschtig ufe sonnti grägnet gha, ond die wägli si meh oder weniger onger wasser gstange, dr alban het das ned chönne begriffe dass weder 50 meter ke wasser gse esch, ond nochhär döu stägetrette vou gse si met wasser, eg be aube fasch a bode gläge, wenn dese ned rächt het chöne löufe, eg ha mini salomon tornschühli a gha, das si jo mini trecking schueh, för d schueu hani no angeri, aber dese het sini schöne schüehli a gha, eg has aube ned chöne föume oder fötele, wöu eg dere wäg ha müesse lache....

Die wisse pönkt wo me gseht si weder so brätschhohli vögu wo ned normau chöi pfiffe, die cheibe chräie so blöd, ond e si de ned chlini, auso bäägge si öu lut wie ne more, aber wäge denne wo ni ned ha chöne schlofe das si angeri gse, me darf ned aui i glich topf schiesse.....

dr alban het, wie scho zom i d blue mountains fahre gschlofe im zog, ond eg dobu ha weder kes öug zue do, guet, wenn me kes öug zue duet cha niemer schlofe.... im flogzüg hani ned chöne penne, im zog hani ned chönne penne, eg hoffe schwär eg cha de i mim campervan penne, vo mer us ned ombedengt wenni am fahre be, aber sösch wärs scho no cool... eg ha scho vo zwöi drüne es mail oder sms oder whats app becho ond gfrogt hei wie me cha antworte uf mini brecht. der heit doch aui ke ahnig, das escg bubi eifach... nenei, eg weiss öu ned wie as das goht, aber schins gfauts denne wo mini brechte läse, eg be haut emmer no dr chlich dinu wie vor zwe mönet, oder vor zwöi johr, es geht sache die ändere sech haut eifach ned. auso, bes morn

Aquarium/Wildlife Park

So scho esch weder samschtig, nachdäm Nüt machitag esch höt weder vous programm ufem plan gse. eg be in darling harbour is aquarium. dört gseht me öbbe 12000 tierli wos im meer vo äustralie het, nachdäm bsuech gseht me dr spiegu äuä nöme im meer. dasch jo wahnsenn was do aue omenang schwömmt. Aber es esch ned so cheibe schlächt gse, es esch vou för tourischte, d cathy het scho gseit, thats only for tourist, aber eg be jo schliesslech öu eine, mer het das no gfaue, ond de angere cheng öu......

das were afe d föteli gse vom aquariom, verstöiht der jetzte wieso as nöme go go bädele?????? ond nochhär eschs grad witer gange met de tierli, zerscht no schöni, liebi, fröndlechi... ond de si no die angere, wo ni nedombedengt wet a träffe uf mire reis...

auso eg be jo ned dr schmätterleng expert, eg weiss öu ned öb d männli ond d wibli glich us gsäi, meischtens si jo d männli die schönere gschöpf i dr natur, das dönt zwar komisch, dass esch aber eso, das chont ned vo mer, eg weiss öu ned wie sech die fortpflanze, aber för me hets usgse aus die zwe obe dra sech fortpflanzt hei, aber s wibli het äuä migröne gha oder d mens....

das si scho chli grusigi tier die koalas, aber es gmüetlechs läbe hei si, schlofe, schlofe,schlofe ond ässe, eg ha ächt ke ahnig wie die das schaffe aube so höch ufe uf d böim z cho????

zobe het mer dr alban no gschrebe öbi i usgang chome, eg ha aber gantwortet, dass eg ned chome, dassi morn i d blue mountains go, de hät är gfrogt är heigi öu scho lang wöue go, de hei mer haut im ne pup abgmacht, zom dr nöchscht tag bespräche.

die schpenne doch

Hallo zäme. Eg ha de tescht auso meh weniger aus meh öber d rondi brocht. bem erscgte tescht het me müesse es e-mail hei schribe a d öutere, ond se om gäud bitte, wöu s portemonne verlore hescg oder s dr klauet worde esch... auso 1. het dr päpu gar ke e-mail adrässe ond 2. wenn är eini hät, so ne e-mail adrässe, wörd är jo ganz secher nüt verschtoh, wenn eg uf änglisch wörd es mail schribe, me nehmt jetzte nome wonger wie si das schwizerdütsche e-mail döi bewärte...... brätschhohu oder????? bem twöite tescht het me, ned so wie bim iitetstescht achrützle, sonder me het die wörtli säuber müesse ineschribe, okei, dasch de sosolala gse, meh weniger aus meh... esächser gets äuä ned, aber i 10 johr red ke mönsch me vo däm... am metwoch beni nach dr schueu no a beach gange, a coogee beach, dört wohne es paar vo mire klass. ofs mou si no zwe fröue/frölein cho, öu zu öis, die göi i de die glichi schueu wie neg, ha schön wie sechs ghört uf englisch sali gseit ond gfrogt wies ne goht, nachem ne zitli hani ghört dass die schwizerdütsch rede metnang. de hani zue ne gseit, dasch schön weder mou öbber zghöre wo glich red wie neg, ond ha se gfrogt vo wo as si si, de hei si gseit ned vo bärn, de hani gantwortet de müesste mer nan fascht könne, wöu eg be jo schliesslech öu ned vo bärn.... geschter zobe beni no i usgang met em franzose, met em alban, dasch so ne geile siech, de red grad met aune lüt, ond wenn är öbbis verzöut, lachet är emmer fascht am meischte, eifach e geile siech. schpöter si de no 4 zu öis gschtosse, ongerangerem die zwe schwizerinne. schpöter si mer de no ine club. de meischte wörd das gfaue im ne so ne club, aber eg be dr dinu vo cheschtehouz, mer hets ned so passt, dört hät me söue tanze, ond da eg jo ned so dr obertänzer be, ha no nie e tanzlors gmacht.... hets mer ned so passt. dr DJ wo musik abglo het, esch so neschwarze gse, met ere afro look frisur ond ere bröue, eg ha e schwizerin gfrogt öbb das äch dr marc sway chönnt si, aber se het de grad gseit as dä e sänger esch, ond secher ned go go musik uflege, se het ne huere in schotz gno dasch äuä e fan vo däm. iiitäm, die könnt me jo ned wörklech, sösch hätts sis gmerkt dasi nome es wetzli mache. am zwöi beni ufe etscht bus, es esch aber kene me cho, de hani haut müesse es taxi ne zom hei cho. höt esch e geile nüt machitag gse, eg be nachem mettag a bondi beach, eifach chli go si, huere geil...

nachem beach beni de weder hei gloffe, ond eg hätt sogar es busbillet gha, aber dörte si dere wää vöu lüt agschtange, ond uf e nöchscht bus hätti weder 25 minute müesse warte, de beni haut hei gloffe. ufe heiwäg hani no das härzige schpenneli ges, auso eg ha no nie so ne rissigi schpenne gse, eifach so dosse ergendnöime. Eg ha nech doch mou vo däm riiiise shoppingcenter gschrebe, dasch öbbe 5 stöckig, ond zongerscht hani e lade gse, dasi hani no nie gse vorhär, die hei chlini höng wie fisch imne aquarium, ond de chasch go ond säge du weigsch dörte dr brun, de chonsch dä öbber, eifach so... eg weiss jo ned was si met denne tierli möche wo si chöi verchöufe, aber i das china resteraunt, wo näbe dra esch, goni ganz secherlech nie öbbis go ässe.... dört gets äuä die einzig wahre hot-dog.....

Der Abend vor dem grossen Test

Sorry mini sehr verehrte bloggbsuecherinne- ond osse. ha gse dass bi de zwe letschte iiträg relativ vöu bsuecher gha het, eg weiss ned öbb die gliche sebe mou druf göi, oder öbs jedemou e nöie bsuecher esch, aber dasch jo glich... eg ha leider fasch ke zit gha i dr letschti, zom e nöie blogg zmache. wenn eg vo der schueu hei chome heists husufgabe mache, husufgabe mache, husufgabe mache, de schnäu öbbis znacht ässe ond nachem znachtässe bööfle vör dä grossi tescht. eigentlech eschs fasch wie frücher, woni no i d schueu be, nome het den s mam emmer müesse säge, so dinu hüü, lehr mou öbbis vör d schueu.... ond jetzet machi das me oder weniger freiwöig, guet die aui wo jetzte meine eg mache huusufgabe ond lehre wie blöd, die könne me ned, eg mache genau nüt.... morn hani auso 4 lektione tescht, aber so wie neg verno haesch das tescht resultat worscht, eg chome glich witer met mire klass, wenns ned so wer, wer mer das jo öu glich, eg ha jo glich nome no zwe woche schueu, ond denne fotmis abentüüür erscht rechtig a. geschter hani e nöie lehrer gha, dr jin vo england, ond wo d schue eigentlech fertig gse esch, het ärno öbbis gseit, wo neg leider öberhöupt ned verstange ha, vo wäge es chönnt tv statione vor dr schueu ha, ond froge wäge interview. eg be auso use ond tatsächlech, öbbe 10 kamerateams ond journaleschte. eg be aber eifach dra verbigloffe, zom glöck het mi kene öbbis gfrogt gha. höt beni i d schueu, ond ha e schwizer gfrogt was los gse esch. dä het mer verzöut, dass am sonntig morge ergend in darling harbour, eine ine shop sig ond es päckli chrömli klauet heig, oder heig wöue klaue, ond der bsetzter vo däm lade het das gmerkt ond äuä dr polizei aglüte, die esch de cho ond het eine verfougt, ond ne met em electro tazzer dingfescht wöue mache, me weiss jetzte ned öbs dä gse esch wo si hei müesse sueche, oder öbbs dr fausch gse esch, uf au fäu het dä e härzstöustang gha ond esch de gstorbe, e brasilianische studänt wo i die glichi schueu esch wie neg, eg ha dä aber ned könnt, eg weiss nedemou wie dä usgseh het, aber dasch scho no zemli heftig gse, wo ni de erfahre ha was gena passiert esch. so eg muess jetzet ufhöre, ha jo morn e wechtige u huerelange scheisstescht. mike,björn,janik,sina&jana, wenn der das läset, glöibed mer nüt, me muess emmer lehre, vör jede tescht, eg mache das öu, ha nome es wetzli gmacht, woni gschrebe ha eg lehre nüt...... CU

Sonnewändfiir

Eg be geschter zobe uf sydey i d stadt gange, wöu eg dört abgmacht ha, wie neg gmeint ha... eg ha met em ne schueukolleg g smslet, ond ha gmeint die sige am sebni in darling harbour, die si aber am sebni bi dr schueu gse, ond hei dörte abgmacht gha, ond si de vo dörte us ines pub, es esch jo schliesslech st. patricksday gse. ond sehr wahrschinlech si die dört de chli abgschtörzt. die hure öustralier fire das no me aus ehre nationaufiirtag, öberau hesch zom teil zemli bsoffni lüt gse, ond die fröue, dasch jo scho onglöublech, wenn wiber bi öis i dr schwiz eso omelöufe, säge mer lueg mou die schla.... a, oder die goht äuä go schaffe ufe str.... aber do i dere wäutmetropole esch das normau, do löufe 90% vo de fröue so ome, ond zom glöck möches desi 10% ned, wöu bi denne wörds ned genau glich us gseh.... höt hani weder einisch e chli usgschlofe, ond de ned rächt gwösst was i söu mache. eg ha mi de entschlosse e chlini wanderi z mache, bi öis i dr nöchi vo beach zu beach z löufe, zom glöck hani so nes guets natel, wo dr per gps emmer genau cha säge wo as de besch, sösch hätti mi scho paar mou verlofe. zom znacht hets es barbecue ge, eg ha mi mega gfröit, de het chaty dr grill wöue alo, het aber ke gas me gha, de hets sis haut i dr pfanne müesse abrötle. morn höufi ehre es nöis färnsehmöbu zäme z schtöue, eg hoffe eg chome bi dere englische montagealeitig z rächt....

bim zwöitletschte böudli hani mou d harbour bridge ond s operehuus droffe, eifach vo henge, me muess e chli guet luege, aber eg glöube me gsehts, ufem letschte föteli geiht dr eifach es inseli, dört häne chame go campiere, das het ömu dese typ verzöut, wo nis ufem sky tower omegfüehrt het. auso eg muess jetzte de go lege, ha morn e witere schuetag for mer.... ond eg fröie mi extrem