ändlech

So do weri weder einisch. Eg ha ke Internet gha, do bi dere Fröu woni darf Wohne, ond dorom beni geschter ganz elei i die grossi Statd. Vor öbbe 25 Johr esch e Föum in chino cho, Crocodile Dundee, wo nes öustralischs landei ine gross statd esch (New York) dä hät öu eifach z öustralie chöne blibe, das cheibe Sydney esch öbbe 5mou grösser aus cheschtehouz ond nederbochste zäme.... De beni ine Vodavone-shop(Swisscom) go ne öustralischi nommere go chöufe, ond die wer +6145041874, im Fau dass der me einisch drengenscht müesst erreiche, dasch no loschtig gse, so Verträg go abschliesse met mine englisch kenntniss... Eg has ömu gschafft, ond so ne stick före laptop hani öu no grad poschtet, sösch hätti dä itrag jo ned chöne mache. Eg ha geschter zobe scho probiert, ha aber die blöde scheissföteli ned chönne ufelade, velech klappets jo jetzte. Höt goni zom erschte mou a die berüehmti Bondi Beach, go luege wie warm as s meer no esch, ond morn chont mer d cathi cho zeige, wohäne dassi i d schueu muess am mentig.

Eg glöubes jo ned, höt schints z klappe met de Föteli, de lege mer doch grad no eine druf. Eg wohne imne Hochhus, imne Appartment. Im 7te stock obe. Chochi Stobe esch offe 3 Zemmer, es wc (seperat) ond ds Badzemmer. Klein aber fein. Auso eg mäude mi weder. Eg ha in Sydney no e huregeile Platz gse, dä söttis i jedere Ortschaft ge uf dere chogele.... CU