Manly Beach

Höt am morge hätti s erschte mou so rechtig guet chöne usschlofe(au s letschte mou bes am fritig, morn fot d schueu

a....), aber ergnd so blödi hureschissvögu hei mi gweckt, die doble chöi ned normau pfiffe wie die vögu bi öis, onglöublech... Eg ha mi (nachem blog vorhär) uf e wäg gmacht, zur Manly Beach. Eg ha zerscht i city müesse zom Ferry Hafe, dä esch zwösche dr Harbour bridge ond em Operahouse, de met dr Ferry bes uf Manly, man si die lüt blöd, die hei doch tatsächlech gmeint, dass ned aui lüt uf die Ferry chöme, das esch es gschtong gse uf däm (am bahnhof wörd me säge perron) dörte... de hei si dörte so ne trail zom löufe, a dr köschte noche, 11 kilometer, es goht ufe ond abe, öber stock ond stei, dors wasser zom teil, dasch wörklech no cool gse, ond eg met mim super englisch, de esch e pfiu gse, ond es het gheisse 500 meter ergend öbbis, de hani dänkt, 500 meter dasch jo nüt, chom eg go go luege, das esch aber ke ussechtsponkt gse, sondern e parkplatz, super martin.... Aber sösch eschs tiptiptopi gse. die öustralier si öu ned ganz bachet, dass si uf dr fausche strosse site fahre hani jo gwösst, aber was sech die ongeremne rueige sonntig nommitag vorstöue, dasch dr wahsenn... Eigentlech bire schöne rueige bocht, fahre si met erne rissejachte uf, döi dr anker uslege, ond blibe dörte, aber ned ome eine, 100er wiis, ond jede lost radio, eg ha nüt gäge das, eg lose öu bi jedere glägeheit radio, aber jede het e angere sänder denne, ond das är dese ned ghört dräit är eifach vou gas uf, wie gseit, die schpenne doch... so morn dr erscht schueutag, eg hoffe eg chöigi einigermasse guet schlofe, ond muess ned no 20mou go seiche, wie frücher woni wörklech no i d schueu ha müesse.... eg ha no es paar tierli gse, der gsäits uf de föteli. Auso der ghöred weder vo mer, morn