Sky Tower

Eg be geschter zobe no gschweng i usgang, i d stadt före, bi nacht gseht das ganze auso öu no zemlech guet us. eg ha am haubi 11 abgmacht gha bi dr operebar, met es paarne vo minere klass. desi si de no witer omezoge, aber wöu mi letscht bus am haubi eis rechtig heizue gfahre esch, hani mi de verabschedet, sösch hätti müesse es taxi ne, oder no 40 minute (schueuwäg) heilöufe. Eg be de ufem heiwäg no eis go zie, so z säge i mis stammpub. dört chont emmer ergend e match, geschter esch grad icehockey cho, e match vo dr NHL, ond die doble hei 1,5 sekonde vor schloss no dr usglich kassiert, ond de eschs haut no i d verlängerig, dörte hets öu kes gou geond somet eschs zom penaltykilling cho. eg be de erscht am zwöi deheime gse, ond was machi deheime, no dä blöd laptop alo ond ome surfe, wo mer d öuge fasch zuegheit si hani uf duhr gluegt ond de esch vieri gse..... Dä morge hani schön usgschlofe( s erschte mou) ond schön zmörgelet. Eg ha mi de rechtig stadt ufe e wäg gmacht. Eg ha so ne pass glösst, do chani no s aquarium , ond dr wildlife park vo sydney go aluege, ond ufe Sky Tower, uf dä beni höt, eg be zwar scho einisch dörte obe gse, aber höt beni no ganz ufe, met ere füehrig. do besch no besser kontroliert worde wederam floghafe. me het nüt, aber öu gar nüt dörfe met ne, me het aui säck müesse lehre, me het sogar ines so nes blosinstrumänt müesse blose, wo gluegt het öbme ned bsoffe esch, ke wetzt. de het me uf 5 müesse zöue, ond de het dr guide gseit yes oki, oder ebe ned, dä vor mer esch geschter öu im usgang gse, de het ömu nochhär a d reception müesse, äuä no ines gnöuers apparätli go blose, är esch ömu de öu met cho. eg muess säge dasch scho no cool gse, aber do werd e megarise sache wäge secherheit gmacht, dasch abartig, jä no, die wösse äuä wieso. Morn goni, wenn s wätter metschpöt(räge esch gmäudet, s ganze wocheänd) i das aquarium, ond evtl i dä wildlifepark. eg muess nochhär nomou genau doreläse, maybe esch dört no e tauchgang dr bi met de haie.... mou luege he...

Heit der das törmli gse??? so het vo der stadt onge us gse, dä torm esch; wenn me uf em höchschte ponkt obe stoht( aus touri) 268 meter ab em bode, auso dasch dr höchscht ponkt in sydney, uf d harbor bridge cha me öu go, aber die esch (nome) 135 meter ab bode. wenns guet wätter esch gseht me schins 80 kilometer wit, me gseht auso die berge von NEW SOUTH WALES, di Blue Mountains, sehr wahrschinlech goni öu no dört häne.

s zwöitw föteli zeig öbbe dört häne, wo ni desi vorhär ufgno ha vom torm, auso eifach ombekehrt... so go jetze go lege. ADIEBESNIE oder schpöter einisch.... eh ha grad gse das me uf de nackt, ähhh nachtföteli ned au zu cheibe vöu gseht, aber eg lo se jetzte glich denne, es het wörklech geil us gse