Gaschtfamilie wo keni esch

So dr ountdown het langsam aber secher agfange. Met schaffe beni sit geschter fertig, ond jetzte gohts as packe. Was söui met ne? Was bruchi aues? Fengi äch das zügs? Wie oms hemmusgottswöue söui met dene Lüt rede? Ondondond... Aber ergend wie goht das de scho. Eg ha geschter mini Adrässe vo mire Ongerkonft becho, ha zerscht gmeint eg chome ine Gaschtfamilie, dem ischt nicht so. Eg darf zu ne re Fröu wo Studänte ufnehmt go, se heisst cathrine, esch 46gi, wohnt elei ond ehri Hobbys si is chino go ond tennis schpele. Eg ha ehre geschter gschrebe gha, uf englisch, ond se het doch tatsächlech scho weder gantwortet. Zur zit het si no e witeri Studänti vo Italie bi sech, das heisst eg zie ine wohnig wos zwe Fröue het, das tönt doch ned schlächt oder? So eg muess no es paar sache go boschte. Eg mäude mi beschtemt weder, aber äuä erscht vo dörte, ergend weni am strand lege ond s wätter(sonne ond Temperatur) due gniesse....