Wörklech der 1. Schuetag

Eg be höt am morge met em bus i d schueu gange, am afang hani bou no angscht gha dass eg z schpot chome, aber die büss wösse jo wo dore ond hei zom teil eh no e buslinie. Auso beni am 20 ab 8im schuezemmer gse, de hani eine gfrogt, is free here? and he sais, yes, i'ts all free. denn är where your from? eg, from switzerland, är, oh cool, i'am too, but from the italien part, de het eine uf mondart gseit är sig öu vo dr dütschschwiz, ohhh esch das schön gse. mer si auso 4 schwizer i minere klass, wobi zwöi dervo vom tesssssin si.... aber dr dütsch schwizer esch am nomitag nöme i d schueu cho, dä esch wahrschinlech a beach gange. die si sit letschs johr do, die hei auso die schueu vo afang a metgmacht, ond eg dobu schtarte ergend nöime zmetz drenne i, eg ha höt stoff dore gno, dass chani ned emou im dütsche, eg ha geschter i däm iitretstescht e super idrock hengerlo, ond bim a chrützle hureschwein gha ha, das grad rechtig gse esch, he no so de, o boscholei... Eg chome wahrschinlech ned glich schwer hei, wie wo neg gange be(ha chli abgno öbbe 4 kilo bevor i gange be, wäge so sache...) wöu grad onge a mim schuezemmer esch e subway lade, dasch ähnlech wie mc donalds&co, eifach 100000mou besser... Eg be scho zwöi mou dörte gse, ond morn esch dr drett schueutag. Eg ha vom 20 ab 8i a schueu, zwe schtong, ond denne seubschtstudium bes am haubi eis, höt hani relativ vöu studiert i denne 1 1/2 stong, nämlech wasi no chönt mache... am nomi hei mer so ne scheiss dore gno, plusqumperfekt, passiv, konservativ, preservativ..... eg has nöme tschegget, aber dasch jo glich, för mi reis längt das alimou scho wo ni cha, eg hät gar ned i d schueu müesse. näbem schuehus esch no es schopingcenterli, öbbe 10 mou so gross wie dr gäupark, aber eifach zmetzt i dr stadt, do chöme glöub aui lüt eifach zfuess, es parkhuus hani bes jetzte noni gse.

uf eim föteli gsäit der mis chnödli, nach sonnebrand gseht das jo ned us, dasch vom samschtig, ond i cremet hani mi auso, ned ome einisch met em karin (redaktion lässt danken, karte folgt...) sire creme. wahrschinlech het mi ergend öbbis afo a bise, woni zwe minute im meer gse be. das si no die brätschhohle schissvögu ufem föteli, die si uf öisem baukongländer, ond du muesch se fasch abe schöpfe, sösch göi die söucheibe ned abe. ond bem letschte föteli gsäit der dr mirrorman..... CU