Weekend

Das wäri gschafft, för me heissts weekend, d füess ufe ha, e chli relaxe, go bädele, eifach haut chli si, chli läbe. Eg be haut doch kei Stadt mönsch, das hani die woche gmerkt, obwouh eg das jo scho vorhär gwösst ha... Eg fröie mi drvör om so me uf mi reis woni werde mache, dr ganz tag due ond mache was eg wott, das werd de geil. eg be früecher scho nie gärn i d schueu, ond das hets sech jetzte do weder bestätigt. zwöi mou zwe stong uf däm stüehli obe hock ond dr lehrerin zuelose, ond de sötsch se no verschtoh... aber jetzte do goni dore, nome no drei woche, dasch jo nüt. höt zobe weissi noni was i werde mache, eg schribe jetzte de no imne schueukolleg us frankrich, dasch no e geile siech, öb är i usgang goht oder ned. Eg be am zäutplätz sueche, nome s domme esch, denn wo neg dr chare öbernehme, esch dr donschtig vor oschtere, zäutplätz si auso e chli manguwar, aber do fengi de scho no eine.