Perth to Geraldton

Hööö. Wie das geschter zobe no gsei

cht het, abartig, eg ha dr scherm brucht, woni be go scheffe, onglöublech oder. höt am morge het de d sonne weder gschone, do chont doch ke mönsch noche. eg ha de usnihmswas mou es zmorge gmacht, rüehrei met schinke ond tomate, eg glöub dad machi vo nun a au sonntig... eg ha mi de uf e wäg gmacht zu de pinnacles. dasch im ne nationaupark, guet di säge do no schnäu mou es sig e nationaupark, dass si so steine wo usem sang chöme, wie ne friedhof wo d natur gmacht het, wörklech no geil. jetute beni do a dr weschtköschte, me gsehts guet uf de föteli, in sydney si d wäue gäges land cho, jetzte göi di gäge s meer use, asscho ganz verreckt...

esperance to albany to perth

Sorry för d verspötig, ha geschter a

ber ke loscht me gha, nachem wöschtag, ond zobe beni no i nes pub go z nachtässe. eg be geschter bes nach albany gfahre, s wätter esch de grad öbbe gar ned öustralisch gse. ond höt am morge hets öu grägnet, de hani beschlosse grad nach perth z fahre, ond do weri jetzte. do eg noni so vöu gfahre be, ziehts mi no chli i norde ue, ond zwar wotti noch monky mia, dörte hets delfine, ond me cha se sogar go fuerre oder met ne go schwömme, de mou luege was mi dörte erwartet. im momänt eschs grad grusig am scheffe do in perth, aber eg be jo im schärme do. mi laptop schpennt im momänt, dass si no nachwörkige vom schlägli wo ner becho het, dorom muessi jetzte met em natel blogg schribe, das met de föteli weissi öu ned öbbs goht. tia.

Balladonia to Esperance

Höt am morge beni weder mega gli verwachet, aber eg weiss ned wieso, öbs wäg dr zitomstöuig gse esch, oder wöu am morge am haubi sebni scho d sonne i mi bus gschenne het??? uf au fäu wo ni uf be hani e wonderschöne morge dörfe erläbe, sonne pur ond stahublaue hemmu, fantastisch, do stoht jede gärn uf.

do bem letschte böudli gseht me scho chli dass do herbscht esch, die böum hei keni blätter me... do i däm esperance het öu e chline ocean drive, dä beni höt am nomittag no gschweng go abfahre, die hei sogar e salomon beach, se hei auerdengs s schöudli fausch gschrebe...

Cedina to Ballinda

Eg ha zemlech scheisse gschlofe, ke ahnig wieso, die haubi nacht beni wach im näscht gläge, velech beni närvös gse wöus höt so rechtig is outback gange esch??? eg be de am sebni uf ond am achti beni los gfahre, eg ha kei plan gha, wie witt as die reis höt söu füehre, eg ha mer gseit, solang eg ma fahre, so lang fahri öu. Eh ha de scho gli mou müesse platz mache uf dr stross, wöu e laschtwage cho esch met over size. do fahrt zerscht es öuto vorus wo blenket wie ne söucheib, ond öbbe 1km henge dra chont es zwöits blenki öuto, ond schpötischtens denne muesch wäg si, auso wäg vo dr stross, sösch feuhsch nochhär. de si de zwe laschtwäge cho, ond die hei ergend so zwe kipper glade gha, wo scho no zemlech gross gse si.. Eg ha de no chöne zuluege, wie as e tube, oder e vogu wo ähnlech usgseht, säubschtmord macht... brutau... dä dobu esch eifach ned e wäg, ond eg ha gmeint är gech, de esch är haut de a mim chiöurgrill blibe hange, aber dass hani erscht öbbe e haubstong schpöter gmerkt, wo ni aghaute, ond nochhär grad e horde chräie vor mim chare gha ha, dasch scho onglöublech, die hei das gse wo neg be cho z fahre, dass dörte öbbis zom ässe esch, so zäge e fleischvogu... Schpöter beni de a d gränze cho, auso ned a mini, a die vo west australia, dörte muesch aber ahaute, ond de wei si is öuto luege, öbb fröcht oder gmüess derbi hesch, das muesch ässe oder fortschiesse, fleisch darf me öberene, eg ha auso keni problem gha... wo ni uf dr kangoro island gse be, het öisi tour leiterin mou gfrogt, öbbs vegetarier onger öis het, es het de zwe gha, die spanierin ond die vo böugie, die si de vo denne a bi der tour leitere nome no d grassmampher gse... Im gsammte beni höt 960 km gfahre, zerscht hani no witer wöue, aber es het afo donkle, ond eg ha öu nöme so möge. jetzte beni auso in wescht öustralie, eg be höt no chli nöcher gfahre zu der schwiz, eg ha jetzte nome no 6 schtong vorspron uf öich.... morn gohts de weder witer. eg be höt no am ne schöud verbi gfahre, die lengschti geradi vo öuschtralie, öber 150 km eifach wörklech nome gradus, zom glöck hani mi bem fahre chöne abwächsle, met mim kompu.... föteli chöme schpöter.... mer chonts fasch chli vor do wie im aellig us safewiu, die verdammti huere internet verbendig goht weder ned, jetze handi de d schnorre gschtreche vou!!!! Hemmu stärne siech nomou....... chöits das jo go a lose uf youtoube. merci, adie...

Die lange Fahrt

geschter am morge eschs auso los gange, eg be vo adelaide rechtig port augusta gfahre, das esch eigentlech noni so im gjät osse, dasch no e wechtige verkehrschnote ponkt, wie oute i dr schwiz, wöu vo port augusta chasch ji jedi rechtig fahre, norde alice springs/darwin, oste sydney7 ostköschte, süde adelaide/melbourne(wo neg be härcho) ond i weschte rechtig perth, met em zog oder ebbe uf dr stross. geschter het mis navigseit dem strassenverlauf 294 km folgen, ond das esch erscht dr afang... höt beni de witergfahre nach ceduna, ond morn fahri de weder witer, eg weiss noni wie witt, wie lang asi ma. jo ond föteli mache wo nüt esch, das esch no schwerig, eg probieres de morn öbbi eis oder zwöi cha mache vo nüt... auso bes einisch....

Tag 2 Kangoro Island

Eg ha met eim vo denne zwe manne( emne franzos) mis zemmer müesse deile, mer hei ömu gnueg platz gha, mer hei es viere zemmer gha. Nachem zmorge ässe 6.30 bes 7.15..... si mer de witer gfahre, zu me ne eucalyptus wäudli, wos koalas ge het, aber die si so wit obe i de böim gse, do ha neg met mim natel kes rächts föteli häne brocht, cha zweni zoome, ond mini chlini digitau kamera hani im camper vergässe.... aber eg ha jo bi dr grat ocean road scho koalas gse, ond erscht no vöu nöcher... Nochhär si mer zu de marbel rocks gfahre, es paar ganz geili föusformatione.

me donkt's s zwöit letschte böudli gseht e chli us wie ne nase, do si mer weder die 21 gramm i senn cho, wo mer emmer no fähle.... nach denne ste vormatione si mer a ne windige huere beach gange, dörte hets nöiseeländischi seelöue gha, die hei e angeri sproch glöub, eg ha auso glich no öbbis gse vo nöiseeland..... am nomitag si mer no i die litle sahara, dörte het me chöne sand boarde, aber es esch ned so super guet gange, wöus grägnet gha het, am tag vorhär.

Bem letschte böudli hani scho chlimüesse lache, eg ha absolut ke ahnig was dä spiüutrog i däm wasser söu, velech das d fröue öu met as meer dörfe, ond de chöi sis gscherr abwäsche ond glichzig e chli plansche im meer, kei ahnig. zobe het mi de dr carchauffeur in adelaide usglade ond eg ha no 20 minute müesse zom marion zäutplatz löufe.

kangoro island

so meine lieben und liebenden, eg be weder zrogg vo dere känguru insle. dasch no loschtig gse, mer si 18 lüt gse, ond drei manne.... Aber am samschtig hets me grägnet aus öbbis angers, zerscht si mer e schooffarm go aluege, die insle esch öbbe 160km läng ond dörte wo si am wiischte usnang esch i dr breiti 50km usnang, auso eigentlech relativ gross, ond öbbe 5000 lüt läbe dörte... Schöfli hets e betzme dörte, eg weiss es nöme wie vöu,, aber bedeütend me schof aus mönsche. Eg ha de no schnäu mou gmerkt dass es zwöi schwizer modis het i mire groppe, ond die hei mi öbbe 25 gschetzt, eg weiss kei ahnig wieso. wöu eg so super jung usgse??? oder wöue eg no so rechtigi schissträck verzöue ond mache wie die junge erwaschsne? kei ahnig... =nd de hei mer no es lesbischs päärli gha, vo irrland, die einti het eigentlech no höbsch usgse, dasch d irrin gse, ond die angeri esch e schwarzi gse, us dere hätts de guet zwe ge... ond das hae die zwe schwizerinne fasch ned chönne glöube, wöu se fasch niemer könne wo schwu oder lesbisch esch, de ha neg mou vo mim johrgang afo verzöue, wöu vorhär hei si aube usglachet, wöu eg so langsam due rede, die me vorhär no nie gse ässe.... das eg e schwule johrgänger ha, das eg e lesbischi johrgängere ha, das eg eine ha, wo met ere jamikanische fröu zäme ghürotet het ond weder gschede esch ond jetzte die grössere bröscht het weder se zwöi zäme.... das hei si mer de nöme glöubt.... aber säsch esch die insle no rächt geil gse, wenns e chli wermer gsewer hätti no chönne go kajak fahre, aber es esch mer z chaut gse. de beni haut met ere spanierin ond eire us böugie a strand gloffe, ond müesse englisch rede wie ne grosse, eg ha aube grad im vorus gseit, dass eg öberhöupt ned guet cha englisch rede, aber die meischte hei mi verstange ond gseit eg redi eigentlech super för nome vier woche schueu...