Eg has höt weder zemlech easy gno, eg ha jo schliesslech ferie oder.... Eg be de dere great ocean road noche witer gfahre, ond wenn s wasser bem ne bach oder bem ne floss, me aus 20 centimeter abe gheit, de esch dass do onge e wasserfau, ohni seich. eg be höt e viertu stong zu so eim gloffe, ond de weder zrogg...
aber höt hani öu s gfährlechschte tier vo öustralie gse, dr koalabear. dä chont uf d wäut, esst, ond schloft, eifach s geilschte tier, dä macht ke bewegig wo ned wörklech notwändig esch, däm sis motto esch wörklech langsam brässiere....
Bem zrogg fahre vo däm lüchtorm, dasch öbbrigens dr öutischt wos get in öustralie, ha zwar ke ahnig öb das stemmt, wöu wenn eine gse hesch, hesch aui gse... ond de chöi si das öu bi jedem häneschribe,,, hani no zwöi modis metgno, die hei öutostopp gmacht, ond de hani aghaute ond hello gseit, de het die scho gfrogt öbi dütsch chöig. das si zwe schwöschtere gse us dütschland, die hühner hei sech verlofe, dass wörd mer nie passiere, eg wörd mi höchschtens verfahre.....
Keine Kommentare:
Kommentar veröffentlichen