Great Ocean Road (Teil 1)

Höt am morge beni am haubi 8ti uf, ond wo dr boyd dass gse het esch er grad cho z seckle ond het good morning gseit, dä esch jo so öbbis vo cool, e rechtige luusbueb, ke ahnig vo wäm är das het... dr teal esch de weder i d schueu, ond eg ha no ufe sächu gwartet, dä esch de am haubi 9ni hei cho vom schaffe, ond de hei mer no föteli gmacht ond öis verabschedet vo nang, bes i zwe mönet.... eg be de los gfahre, zerscht a d bells beach, das esch dä beach wo si aube die australische surf meischterschafte hei, ond world cup meischterschafte öu, dörte hets jetzte emmer wäuue. de witer nach Lorne, dörte beni is visitor center, ond die fröu het mer es taxi bstöut för a d erskins falls, ond zrogg beni de gloffe, dasch e tipp vom sächu gse, är wett dä walk scho lang mache, ond eg ha ne höt gmacht, vo denne wasser fäu löufsch aues am bächli no abe, me muess öbbe 10 mou das bächli öberquere, aber bröggli hets e kes, dasch no mega cool gse. morn gohts de witera apollo bay.

Patent Ochsner senge i eim lied, ergend nöime, da fähle 21 Gramm, eg weiss jetzte wo as die fähle.... bi mer...