Eg ha höt am morge mou usgschlofe, nachdäm eg geschter ned vöu bes gar nüt gmacht ha, be geschter zobe ome no gschweng is pub, dörte hets aber soo vöu lüt gha, de hani de ned lang gmacht. Höt eschs weder mou super schöns wätter gse, ond was macht me do wenns so schön esch???? Genau, me goht a beach. ha aber zerscht öbbe e stong müesse bus fahre besi dörte gse be wo ni ha wöue si. a dr coogee beach, vo dörte us gets e wäg a dr köschte noche, ond dä esch wörklech geniau gse. zerscht beni no chliam strand omegläge, aber is wasser beni ned, ha dänkt eg warte met däm bes am schloss, bes am bondi beach. eg weiss gar ned wie lang as me wörklech hätt, för dä marsch, eg ha uf au fäu öbbe drü mou so lang gha, vo dene klippene abe zluegs ond das meer aluege, wie wöud as das cha si, eifach cool.

Dasch wörklech no geil gse. ergend zmetz uf däm wäg beni a ne ort cho, e peacefarm, oder wie me bi öis öu seit e friedhof... dä esch jo gigantisch gross gse, aber ned so schön wie bi öis, met bluem ond so. dörte het eifach jedi familie es grab, ond das blibt de för emmer, eg ha grabsteine gse vo lüt wo scho fasch 100 johr gstorbe si... ond zu dene gräber luegt jetzt äuä öu niemer me, ergrnd wie no krass. aber do esch das haut so, eg cha gar ned beschribe wie gross as dä gse esch, eifach huregross, eg weis ned öb mes uf de föteli gseht.

Geschter beni i ne re beiz no uf toilette, ond eg go meischtens ned ufs pissoir, do si öberau die pissoir wie z oute im ice hockey stadion, me scheffet eifach ane wang, ond das esch ned emmer so appetitlech. ond dese wäg chani gschplüse ond de zuglich no es schnöpfli ne, de luegt öu ganzsecher niemer blöd dri, wenni eine neme, wobi eg scho langsam muess spare, ha nöme so vöu wie vor vier woche.... eg muess vo jetzte a rationierti prissene ne, sösch längts de nöme wit... ond ebe geschter uf däm wc, wenn do s grosse gschäft erledigisch, esch s wc papir obe a der betätigonsplatte, auso henger eim obe am spüeukaschte, do muesch de hure gklänkig si, ond das nome zom schisse....

So ondzom schloss för höt darfi öich no öbber vorschtöue. ond zwar dr CROCODILE DINUUU, ned dr dundee