Robe to Adelaide

Höt beni weder mou relativ gli ufgstange, ha nöme chöne schlofe, ond de hani jo ziit no müesse e haub stong zrogg schtöue. be de rechtig adelaide los gfahre, ohni grossi zwösche hauts beni de am haubi zwöi uf mim nöie zäutplatz gse. de beni go i-checke ond de muesch emmer dr name säge, ond martin verstöi si jo no, dä name könne si, aber wenni spiegel muess säge, ond de no wenns guet goht buechstabiere, bravo, ond die höt het mi gfrogt, spiegel, wie spieglein,spieglein an der wand, e dütschi, ond die het mer de e haub stong schpöter grad mis usflögli vör d kängoro island buechet, dasch grad no gäbig gse, die het mer aues grad chöne öbersetzte, ond mi bus chani grad do ufem zäutplatz lo, eg go morn am morge am haubi sebni ond chome am sonntig zobe am 11 weder a, ond de blibi grad no e nacht do. auso morn zobe, sehr wahrschinlech öu öbermorn gets nüt nöis vo mer z läse. eg wönsche aune es schöns wocheänd, ond e guete bem spaghetti ässe im clubhuus.

eg weiss ned öb mes guet gseht, aber eg be do ufem normale zäutplatz nommer 28, aber eg gloube, wenn e zemlech bekannti irrischi pop/rock groppe do in adelaide es konzärt hei, si die genau uf mim platz, am gate schlössu hei si eifach e chläber dröber do.....