pambula beach to lake entrance

Eg hoffe der heit aui schöni frei ostertäg gha(met schnee ond so...) aber zu öichere augemeine beruehigig, mer gohts ned besser. höt am morge ufgschtange, ond die obligate chorze hösli agleit, flipflops ond es t-shirt. de hani wöue los fahre ond terscht no ufe campingplatz alüte, ond reserviere, aber de het so ne gueti stemm ufem tonbag gseit dassi ke kredit me ha, dass mis abi abgloffe esch, de beni haut a d reception go froge, wo as dr nöchscht vodafone shop esch, de het si mi gfrogt öbi i norde go oder i süde, im norde eschs dr nöchscht d sydney ond im süde z melbourne.... eg be scho sit zwe täg ongerwägs gse.... jetze muess i haut warte besi z melbourne be, äuä morn zobe... eg be de los gfahre ond vom hemmu hets keni guete zeiche ge, es esch emmer wie dönkler worde, schlossändlech hets afo scheffe, mängisch wie ne more, hesch chum me öbbis gse. wo ni ufem zäutplatz be a cho ond usgstege be hets me a ranze gfrore, be de go zahle ond go parkiere, ond zemli schnäu die länge hose vöre gno ond socke. eg ha zerscht wöue e dinu-cesar-salad mache, aber wöus mi so gfrore het hani mi de omentschede, wos mou einisch ned gseicht het beni i lade gsecklet, guet die wo mi könne wösse dasi ganz secher ned gsecklet be... ond ha pfeffersteak köuft, 6 si denne gse ond drzue hets 4 hädöpfu ge a nere pfäffersosse, eg cha öich säge, es gedecht... eg hoffe morn werds de weder besser.