bes studers

eg be de am fritig morge weder zrogg gfahre, wo mer ebe dr laptop a bode knallt esch. eg be de no bi dr phillip island verbi, dasch dörte wo aube dr tom lüthi sini rondine dräit, ond wöu eg met mim cämper ned so cha rase, beni gschweng go go-cart fahre. eb be de met dr ferry vo sorrento uf queenscliff, ond wo ni dörte be acho hani gse dass mer dr sächu öbbe vier mail gschrebe het, wenn asi ändlech chomme, dr teal frogt au zwe minute wenn as dä dinu chont. eg be de öbbe am sebni bem sächu gse, nachere begrüessig hei mer de beschlosse, no e betz fleisch go z poschte, ond nochhär hei go brötle, d luu esch met de cheng ned deheime gse, die si mer de ongerwägs gschweng go bsueche, ond hei de grad d cheng hei gno met em öuto. dr teal dr öuter, het chruseli wies luu, vöu wie ne cheib, ond dr boyd het grad gar e kess, stäckegradi hoor. eg has tiptop gha do, es esch super loschtig gse, vier täg weder chöne schwizerdütschz rede.